ಕರ್ನಾಟಕದ ಸಾಂಸ್ಕೃತಿಕ ಮತ್ತು ಸಾಮಾಜಿಕ ಚರಿತ್ರೆಯಲ್ಲಿ ಕನಕದಾಸರದು ಅನನ್ಯವಾದ ಸ್ಥಾನ. ದಾರ್ಶನಿಕರಾಗಿ ಮತ್ತು ಸಾಮಾಜಿಕ ಚಿಂತಕರಾಗಿ ಸಮಕಾಲೀನ ಕರ್ನಾಟಕದ ಚರಿತ್ರೆಯಲ್ಲಿ ಕನಕದಾಸರು ಮಹತ್ವಪೂರ್ಣವಾದ ಪ್ರಭಾವವನ್ನು ಬೀರಿರುತ್ತಾರೆ. ಹದಿನಾರನೇ ಶತಮಾನದವರಾದರೂ ಕನಕದಾಸರ ಸಾಹಿತ್ಯಿಕ ಅಭಿವ್ಯಕ್ತಿ ಮತ್ತು ಸಾಮಾಜಿಕ  ಕಾಳಜಿಗಳು ನಮ್ಮ ಕಾಲದ ಈ ಹೊತ್ತಿನಲ್ಲೂ ಹೊಸ ಅರ್ಥಗಳನ್ನು ಪಡೆಯುತ್ತಿರುತ್ತವೆ. ಕನಕದಾಸರ ಚಿಂತನೆಗಳು ಈ ಕಾಲಕ್ಕೂ ಸಂಗತವಾದ ಕಾರಣದಿಂದ ಕನಕದಾಸರ ಬದುಕು ಮತ್ತು ಬರೆಹಗಳ ಅಧ್ಯಯನ ಮತ್ತು ಪ್ರಸರಣದ ಉದ್ದೇಶದಲ್ಲಿ ಕರ್ನಾಟಕ ಸರಕಾರ ೨೦೦೩ರಲ್ಲಿ ಕನಕದಾಸ ಅಧ್ಯಯನ ಪೀಠ ಹಾಗೂ ೨೦೦೮ರಲ್ಲಿ ಕನಕದಾಸ ಸಂಶೋಧನ ಕೇಂದ್ರವನ್ನು ಸ್ಥಾಪಿಸಿದೆ.  ಕಳೆದ ಹದಿನೈದು ವರ್ಷಗಳಿಂದೀಚೆಗೆ ಕನಕದಾಸ ಅಧ್ಯಯನ ಪೀಠ ಮತ್ತು ಕನಕದಾಸ ಸಂಶೋಧನ ಕೇಂದ್ರ ಕನಕದಾಸರು ಪ್ರತಿನಿಧಿಸುತ್ತಿದ್ದ ಸಾಮಾಜಿಕ ಚಿಂತನೆ ಮತ್ತು ಕಾಳಜಿಗಳನ್ನು ಪಸರಿಸುವ ಮತ್ತು ಜನಪ್ರಿಯಗೊಳಿಸುವ ಉದ್ದೇಶದಿಂದ ವೈವಿಧ್ಯಮಯವಾಗಿರುವ ಹಲವಾರು ಚಟುವಟಿಕೆಗಳನ್ನು ವಿಭಿನ್ನ ನೆಲೆಗಳಲ್ಲಿ ನಡೆಸಿಕೊಂಡು ಬರುತ್ತಿದೆ. 

            ಕನಕದಾಸರ ತತ್ತ÷್ವಚಿಂತನೆಗಳನ್ನು ಯುವ ಸಮುದಾಯಕ್ಕೆ ತಲುಪಿಸುವ ಆಶಯದಲ್ಲಿ ‘ಕನಕ ಚಿಂತನ’ ಪ್ರಚಾರೋಪನ್ಯಾಸ ಕಾರ್ಯಕ್ರಮವನ್ನು ಹಮ್ಮಿಕೊಂಡು ಬರುತ್ತಿದೆ. ಕನಕದಾಸರ ಬದುಕು, ಚಿಂತನೆ, ದಾಸ-ಸೂಫಿ ಪಂಥ ಹಾಗೂ ಕನಕದಾಸರ ಕೃತಿಗಳಾದ ರಾಮಧಾನ್ಯಚರಿತೆ, ಮೋಹನತರಂಗಿಣಿ, ನಳಚರಿತ್ರೆ, ಹರಿಭಕ್ತಿಸಾರ ಹಾಗೂ ಕೀರ್ತನೆಗಳ ಜೊತೆಗೆ ಕನಕದಾಸರನ್ನು ಕಾಡಿದ ಕುಲ, ದೇಗುಲ, ಆಹಾರ, ಭಕ್ತಿ, ಅಧ್ಯಾತ್ಮ ಮುಂತಾದ ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ ಸಂಗತಿಗಳನ್ನು ಹಿನ್ನೆಲೆಯಾಗಿಟ್ಟುಕೊಂಡು ಸಮಕಾಲೀನ ಸಂವಾದದ ನೆಲೆಯಲ್ಲಿ ರಾಜ್ಯದ ವಿಶ್ವವಿದ್ಯಾನಿಲಯಗಳಲ್ಲದೆ, ಹೊರರಾಜ್ಯಗಳ ಕಣ್ಣೂರು, ಚೆನ್ನೆöÊ, ಮುಂಬೈ, ಕುಪ್ಪಂ, ಹೈದರಾಬಾದ್, ಈ ಮುಂತಾದ ವಿಶ್ವವಿದ್ಯಾನಿಲಯಗಳ ಸಹಯೋಗದೊಂದಿಗೆ ಅಲ್ಲಿಯ ಸಂಯೋಜಿತ ಕಾಲೇಜು, ಪದವಿ ಪೂರ್ವ ಕಾಲೇಜು ಹಾಗೂ ಇತರ ಸಾರ್ವಜನಿಕ ಸಂಘ ಸಂಸ್ಥೆಗಳ ಆಶ್ರಯದೊಂದಿಗೆ ಈವರೆಗೆ ಒಟ್ಟು ೧೯೬ ಪ್ರಚಾರೋಪನ್ಯಾಸಗಳನ್ನು ನೆರವೇರಿಸಿದೆ.

ಕನಕದಾಸರ ತತ್ವಪದಗಳನ್ನು ವಿದ್ಯಾರ್ಥಿ ಸಮುದಾಯಕ್ಕೆ ಪ್ರಚಾರಪಡಿಸುವ ನಿಟ್ಟಿನಲ್ಲಿ, ಸಾಮುದಾಯಿಕ ಪಾಲ್ಗೊಳ್ಳುವುದಕ್ಕೆ ಅವಕಾಶವನ್ನು ಕಲ್ಪಿಸುವ ‘ಕನಕ ಕೀರ್ತನ’ ಮತ್ತು ‘ಕನಕ ಗಂಗೋತ್ರಿ’ ಎಂಬ ಕನಕದಾಸರ ಕೀರ್ತನೆಗಳ ಗಾಯನ ಕಾರ್ಯಕ್ರಮವನ್ನು ಪ್ರೌಢಶಾಲೆ, ಪದವಿಪೂರ್ವ, ಪದವಿ, ಸ್ನಾತಕೋತ್ತರ ಪದವಿ ಹಾಗೂ ಸಾರ್ವಜನಿಕ ಮಟ್ಟದಲ್ಲಿ  ವಿಶ್ವವಿದ್ಯಾನಿಲಯ ಹಾಗೂ ಅವುಗಳ ಸಂಯೋಜಿತ ಕಾಲೇಜು  ಹಾಗೂ ಇತರ ಸಾರ್ವಜನಿಕ ಸಂಘ ಸಂಸ್ಥೆಗಳ ಸಹಯೋಗದೊಂದಿಗೆ ನಡೆಸಿಕೊಂಡು ಬರುತ್ತಿದೆ. ಈ ಕಾರ್ಯಕ್ರಮಗಳಲ್ಲಿ  ವಿದ್ಯಾರ್ಥಿಗಳು, ಅಧ್ಯಾಪಕರು, ಆಡಳಿತವರ್ಗ ಹಾಗೂ ಸಾರ್ವಜನಿಕರು ಯಾವುದೇ ಭೇದಭಾವವಿಲ್ಲದೆ ಪಾಲ್ಗೊಳ್ಳುವಂತೆ ಅವಕಾಶವನ್ನು ಕಲ್ಪಿಸುವ ಉದ್ದೇಶದಲ್ಲಿ ಈ ಕಾರ್ಯಕ್ರಮಗಳನ್ನು ನಿರಂತರವಾಗಿ ಏರ್ಪಡಿಸಲಾಗುತ್ತಿದೆ. `ಕನಕ ಕೀರ್ತನ’  ಕಾರ್ಯಕ್ರಮದಲ್ಲಿ ಈವರೆಗೆ ಒಟ್ಟು ೧೨ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗಿದೆ ಮತ್ತು `ಕನಕ ಗಂಗೋತ್ರಿ’ ಗಾಯನ ಕಾರ್ಯಕ್ರಮದಲ್ಲಿ ಈವರೆಗೆ ಒಟ್ಟು ೧೩ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗಿದೆ. ‘ಕನಕ ಕೀರ್ತನ’ ಮತ್ತು ‘ಕನಕ ಗಂಗೋತ್ರಿ’ ಕಾರ್ಯಕ್ರಮಗಳಲ್ಲಿ ಆಯ್ಕೆಯಾದ ಆಯ್ದ ಅಭ್ಯರ್ಥಿಗಳಿಂದ ಕನಕದಾಸರ ಕೀರ್ತನೆಗಳ ಪ್ರಸ್ತುತಿ ಹಾಗೂ  ಕನಕದಾಸರ ತತ್ತ÷್ವ ಚಿಂತನೆ ಮತ್ತು ಅವರು ಪ್ರತಿಪಾದಿಸಿರುವ ಸಾಮಾಜಿಕ ಮೌಲ್ಯಗಳ ಕುರಿತಂತೆ ಹಾಗೂ ಈಗಲೂ ಕಾಡುತ್ತಿರುವ ಸಾಮಾಜಿಕ ಬಿಕ್ಕಟ್ಟುಗಳ ಕುರಿತಂತೆ ನಾಡಿನ ಖ್ಯಾತ ವಿದ್ವಾಂಸರಿAದ `ಕನಕ ಸ್ಮೃತಿ’ ಎಂಬ ವಿಶೇಷ ಉಪನ್ಯಾಸವನ್ನು ವರ್ಷಾಂತ್ಯದಲ್ಲಿ ಏರ್ಪಡಿಸಲಾಗುತ್ತಿದ್ದು, ಇದರ ಜೊತೆಗೆ ಕನಕ ಪುರಸ್ಕಾರವನ್ನು ನೀಡಲಾಗುತ್ತಿದೆ.   ಈವರೆಗೆ ಒಟ್ಟು ೧೦ ವಿಶೇಷ ಉಪನ್ಯಾಸ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗಿದೆ.

‘ಕನಕ ಸಂವಾದ’ ಕಾರ್ಯಕ್ರಮದಲ್ಲಿ ಕನಕ ಮತ್ತು ಭಕ್ತಿ ಚಳುವಳಿಗೆ ಸಂಬAಧಪಟ್ಟAತೆ ೨೦೦೪-೨೦೦೫ ನೇ ಸಾಲಿನಲ್ಲಿ ‘ಕನಕ ಸಾಹಿತ್ಯ : ಸಾಂಸ್ಕೃತಿಕ ಮರು ಓದು’ ಎಂಬ ವಿಷಯದ ಕುರಿತು ಎರಡು ದಿವಸಗಳ ವಿಚಾರ ಸಂಕಿರಣ   ಮತ್ತು ೨೦೧೦-೨೦೧೧ನೇ ಸಾಲಿನಲ್ಲಿ ‘ಕನಕನ ಸುತ್ತಮುತ್ತ : ಸಂಕಥನಗಳ ಜಿಜ್ಞಾಸೆ’ ಎಂಬ ವಿಷಯದ ಕುರಿತು ಮೂರು ದಿವಸಗಳ ವಿಚಾರ ಸಂಕಿರಣ ಹಾಗೂ ೨೦೧೩-೨೦೧೪ನೇ ಸಾಲಿನಲ್ಲಿ ‘Rethinking Bhakthi’ ಎಂಬ ವಿಷಯದ ಕುರಿತು ನಾಲ್ಕು ದಿವಸಗಳ ವಿಶ್ವ ಸಂವಾದ ಸಂಕಿರಣವನ್ನು ಏರ್ಪಡಿಸಿದೆ.  

 

ಕನಕ ಪ್ರಸರಣ ಯೋಜನೆಯಲ್ಲಿ ಕನಕ ಅಧ್ಯಯನ ಮಾಲಿಕೆ-೦೬, ಕನಕ ಸಂಶೋಧನ ಮಾಲಿಕೆ-೦೨, ಕನಕ ಚಿಂತನ ಪ್ರಚಾರೋನ್ಯಾಸ ಮಾಲಿಕೆ-೮, ಕನಕ ಆವರ್ತನ ಕಾರ್ಯಕ್ರಮ ಮಾಲಿಕೆ-೩, ಕನಕ ಸಂವಾದ ಮಾಲಿಕೆ-೩ ಮತ್ತು ಕನಕ ಮರುಮುದ್ರಣ ಮಾಲಿಕೆ-೫ ರಲ್ಲಿ ಕನಕದಾಸರ ಕೃತಿಗಳನ್ನು ಪ್ರಕಟಿಸುವ ಮತ್ತು ಪ್ರಸರಣಗೊಳಿಸುವ ಕಾರ್ಯವನ್ನು ನಿರ್ವಹಿಸಲಾಗುತ್ತಿದೆ. 

೨೦೧೨-೧೩ ಮತ್ತು ೨೦೧೩-೧೪ರ ಶೈಕ್ಷಣಿಕ ವರ್ಷದ ಕಾರ್ಯಕ್ರಮಗಳನ್ನು ಕನಕದಾಸ ಅಧ್ಯಯನ ಪೀಠದ ದಶಮಾನೋತ್ಸವದ ಸಂಭ್ರಮದಲ್ಲಿ ನೆರವೇರಿಸಲಾಯಿತು. ಈ ಸಂದರ್ಭದಲ್ಲಿ ಪೀಠದ ಎಲ್ಲಾ ಕಾರ್ಯಕ್ರಮಗಳನ್ನು ವಿಸ್ತರಿಸಲಾಯಿತ್ತಲ್ಲದೆ, ‘Rethinking Bhakthi’ ಎಂಬ ಅಂತರಾಷ್ಟಿçÃಯ ವಿಶ್ವಸಂವಾದ ಸಂಕಿರಣವನ್ನು ಏರ್ಪಡಿಸಲಾಯಿತು. ಮಿಷನರಿ ಕಾಲದಿಂದ ತೊಡಗಿ, ಆಧುನಿಕ ಕಾಲದವರೆಗೆ ಪ್ರಕಟಗೊಂಡಿರುವ ೧೧೮ ಲೇಖನಗಳ ೧೧೦೮ ಪುಟಗಳನ್ನೊಳಗೊಂಡ ಕನಕದಾಸ ಅಧ್ಯಯನ : ಸಮಗ್ರ ಸಂಪುಟ-೧ ‘ನೀ ಮಾಯೆಯೊಳಗೊ ನಿನ್ನೊಳು ಮಾಯೆಯೊ’, ‘ಕನಕನ ಸುತ್ತ ಮುತ್ತ : ಸಂಕಥನಗಳ ಜಿಜ್ಞಾಸೆ’ ರಾಷ್ಟಿçÃಯ ವಿಚಾರ ಸಂಕಿರಣ ಪ್ರಬಂಧಗಳನ್ನು ಹಾಗೂ ೨೦೧೧-೧೨ರ ‘ಕನಕ ಚಿಂತನ’ ಪ್ರಚಾರೋಪನ್ಯಾಸದ ಪ್ರಬಂಧಗಳನ್ನು ಸಂಪಾದಿಸಿ ಪ್ರಕಟಿಸಲಾಯಿತು.  ೨೦೦೬ರಿಂದ ೨೦೧೪ರ ವರೆಗೆ ಏರ್ಪಡಿಸಿದ ‘ಕನಕ ಕೀರ್ತನ’ ಹಾಗೂ ‘ಕನಕ ಗಂಗೋತ್ರಿ’ ಗಾಯನ ಕಾರ್ಯಕ್ರಮದ ಆಯ್ದ ಕನಕದಾಸರ ಕೀರ್ತನೆಗಳ ‘ಕೀರ್ತನ ಗಂಗೋತ್ರಿ’ ಧ್ವನಿಸುರುಳಿಯನ್ನು ಬಿಡುಗಡೆಗೊಳಿಸಲಾಗಿದೆಯಲ್ಲದೆಯೇ, ಕನಕದಾಸರ ಬದುಕು ಕೃತಿಗಳಿಗೆ ಸಂಬAಧಪಟ್ಟ ಮಾಹಿತಿ ಹಾಗೂ ಕೃತಿಗಳ ಮೂಲಪಠ್ಯವನ್ನು ಅನಾವರಣ ಮಾಡಿರುವ www.kanakanakindi.org ಎಂಬ ‘ಕನಕನ ಕಿಂಡಿ’ ಜಾಲತಾಣವನ್ನು ಲೋಕಾರ್ಪಣೆ ಮಾಡಲಾಯಿತು. 

ಕನಕದಾಸ ಅಧ್ಯಯನ ಪೀಠ

೧. ಸಂಶೋಧನ ಯೋಜನೆ

೨. ಆವರ್ತನ ಕಾರ್ಯಕ್ರಮಗಳು

೨.೧. ಕೀರ್ತನ ಗಾಯನ ಕಾರ್ಯಕ್ರಮ

೨.೨) ‘ಕನಕ ತತ್ವ ಚಿಂತನ’ : ಪ್ರಚಾರೋಪನ್ಯಾಸ ಕಾರ್ಯಕ್ರಮ

೨.೩) ‘ಕನಕ ಸಂವಾದ’ : ವಿಚಾರ ಸಂಕಿರಣ

ಕನಕದಾಸ ಸಂಶೋಧನ ಕೇಂದ್ರ

ಕನಕದಾಸ ಸಂಶೋಧನ ಕೇಂದ್ರದಲ್ಲಿ  ನಿರ್ವಹಣೆಗೊಳ್ಳುತ್ತಿರುವ ಕಾರ್ಯ ಯೋಜನೆಗಳು

೧. ಸಂಶೋಧನ ಯೋಜನೆಗಳು (ಸಂಪಾದನೆ/ ಅಧ್ಯಯನ)

ಎರಡನೆಯ ಆವೃತ್ತಿಯನ್ನು ಸಿದ್ಧಗೊಳಿಸಲಾಗುತ್ತಿದೆ.  

೨. ಪ್ರಸರಣ ಯೋಜನೆಗಳು

೨.೧. ಆವರ್ತನ ಕಾರ್ಯಕ್ರಮಗಳು