ಕರ್ನಾಟಕ ಸರಕಾರವು ಮಂಗಳೂರು ವಿಶ್ವವಿದ್ಯಾನಿಲಯದಲ್ಲಿಸ್ಥಾಪಿಸಿರುವ ಅಂಬಿಗರ ಚೌಡಯ್ಯ ಅಧ್ಯಯನ ಪೀಠವು ಸಂಬಂಧಿತ ಅಧಿನಿಯಮದ ಅನುಮೋದನೆಯೊಂದಿಗೆ ೨೭-೦೩-೨೦೧೨ರಂದು ಅಸ್ತಿತ್ವಕ್ಕೆ ಬಂದಿರುತ್ತದೆ. ಈ ಅಧ್ಯಯನ ಪೀಠವು ೧೨ನೇ ಶತಮಾನದ ವಚನಕಾರರಾದ ಅಂಬಿಗರ ಚೌಡಯ್ಯನ ಕುರಿತು ಅಧ್ಯಯನ ಮತ್ತು ಅವರ ವಚನದ ಪ್ರಚಾರ ಹಾಗೂ ಕರ್ನಾಟಕದ ಕರಾವಳಿ ಪ್ರದೇಶದ ಮೀನುಗಾರ ಸಮುದಾಯದ ಸಾಮಾಜಿಕ, ಆರ್ಥಿಕ, ಚಾರಿತ್ರಿಕ ಮತ್ತು ಸಾಂಸ್ಕೃತಿಕ ಅಧ್ಯಯನದ ಉದ್ದೇಶವನ್ನು ಒಳಗೊಂಡಿದೆ. ೨೦೧೨ರಿಂದ ಅಧ್ಯಯನ ಪೀಠವು ಹಲವಾರು ಕಾರ್ಯಕ್ರಮಗಳನ್ನು ನಡೆಸಿಕೊಂಡು ಬರುತ್ತಿದೆ. ೨೦೧೨ರಿಂದ ೩೧-೦೫-೨೦೧೬ರ ವರೆಗೆ ಪ್ರೊ. ಜಯರಾಜ್ ಅಮೀನ್ ಇವರು ಸಂಯೋಜಕರಾಗಿ ಪೀಠವನ್ನು ಮುನ್ನಡೆಸಿರುತ್ತಾರೆ. ೦೧-೦೬-೨೦೧೬ರಿಂದ ಅಂಬಿಗರ ಚೌಡಯ್ಯ ಅಧ್ಯಯನ ಪೀಠದ  ಸಂಯೋಜಕರಾಗಿ ಡಾ. ನಾಗಪ್ಪ ಗೌಡ. ಆರ್ ಇವರು ಪೀಠದ ಜವಾಬ್ದಾರಿಯನ್ನು   ನಿರ್ವಹಿಸುತ್ತಿದ್ದಾರೆ. ಪೀಠದ ಧ್ಯೇಯೋದ್ದೇಶಕ್ಕೆ ಪೂರಕವಾಗಿ ಪೀಠದ ವತಿಯಿಂದ ಈಗಾಗಲೇ ಅನೇಕ ಕಾರ್ಯಕ್ರಮಗಳನ್ನು ನಡೆಸಲಾಗಿದೆ.